வாரிய மூணு கோடி வரமது தோற்றுப் பின்னும்
மூரியன் மூணு லோகம் முழுதுமே யடக்கி யாண்டான்
இராவணன் கொடுமை
முக்கோடி வரத்தை உச்சிக்கொண்டார் மாயவரும்
அக்கரைக் கோடி அரக்கன்வரம் கொண்டேகித்
வாசுஅரக்கன் மணிமேடை தூராட்டால்
வீசுவேன் வாளால் வெட்டுவேன் பாருவென்பான்
வருணனவன் மேடைவந்து தெளியாதிருந்தால்
மரணம்வரும் வரையும் வல்விலங்கில் வைப்பேனென்பான்
சந்திரருஞ் சூரியருஞ் சாய்ந்துமிகப் போகாட்டால்
சந்துசந்தாக சரத்தாலறுப்பே னென்பான்
தெய்வ மடவார்கள் திருக்கவரி வீசாட்டால்
கைவரைந்து கெட்டிக் கடுவிலங்கில் வைப்பேனென்பான்
நாலுமறையும் நல்ல ஆறுசாஸ்திரமும்
பாலுக்குடஞ் சுமந்து பணிந்து முன்னில்லாவிட்டால்
அஸ்திரத்தால் வாந்து அம்மிதனில் வைத்துரைத்து
நெற்றிதனில் பொட்டிடுவேன் நிச்சயமென் பானரக்கன்
வானவர் களெல்லாம் மலரெடுத் தென்காலில்
தானமது பண்ணி தாழ்ந்து நில்லாதேயிருந்தால்
சாகும் வரைக்கும் தடியிரும்பி லிட்டவரை
வேகும் படிக்கு வேள்விதனிலிட் டிடுவேன்
மாமறலிமூவர் வந்தென் சொல்லை கேளாட்டால்
காமனையும் ஈசன் கண்ணாலெரித்ததுபோல்
என்னுடையக் கண்ணால் எமனையுங் காலனையும்
உன்னுடைய வல்ல தூதனையும் நானெரிப்பேன்
இவ்வுல கத்திலுள்ள ராசாதி ராசரெல்லாம்
மூவ்வுகமுங் கப்பமிங்கே முன்னாடித் தாராட்டால்
நெருப்பெடுத் திட்டிடுவேன் நேரேகொண்டு வாராட்டால்
எரிப்பேனோர் அம்பால் ராசாதி ராசரையும்
இப்படியே பாவி இந்திரலோகம் வரையும்
அப்படியே அரக்கன் அடக்கியர சாண்டிருந்தான்
விளக்கவுரை :