அப்படியே அரக்கன் ஆண்டிருக்கும் மன்னாளில்
முப்படியே விட்டகுறை முடிவாகும் நாளையிலே
தேவாதிதேவர் தினம் ஏவல் செய்திடவே
மூவாதிமூவர் ஊழியங்கள் செய்திடவே
முறுக்கமதால் பாவி ஊழியங்கள் கொண்டதினால்
பொறுக்க முடியாமல் பூலோகத்தார் களெல்லாம்
தெய்வ ஸ்த்திரீயும் தேவாதி தேவர்களும்
அய்யா திருமாலுக் கபையம் அபயமென
அபயமிடும் மொலியை அச்சுதருந் தானமர்த்தி
கபயமிடு வேதன் கயிலையது தானேகி
ஆதிபரமன் அடியை மிகப் போற்றி
சோதித் திருமால் சொல்லுவா ரம்மானை
பத்துத் தலையுடைய பாவி யரக்கனுக்கு
மற்றும்பல கோடி வரங்கள் மிகயீந்த்தினால்
தேவரையும் மூவரையும் தேவேந் திரன்வரையும்
நால்வரையும் வேலைகொண்டு நாடாண்டா னம்மானை
வாசு அரக்கன் மணிமேடை தூராட்டால்
வீசுவேன் வாளாலே வெட்டுவேன் பாருவென்பான்
வருண னவன்மேடை வந்துத்தொளி யாதிருந்தால்
மரணம்வரும் வரையும் வலுவிலங்கில் வைப்பேனென்பான்
சந்திரருஞ் சூரியரும் சாய்ந்துமிகப் போகாட்டால்
சந்து சந்தாகச் சரத்தாலறுப் பேனென்பான்
தெய்வ மடவார்கள் திருக்கவரி வீசாட்டால்
கைவரைந்து கட்டிக் கடுவிலங்கில் வைப்பேனென்பான்
நாலு மறையும் நல்லாறு சாஸ்திரமும்
பாலு குடஞ்சுமந்து பணிந்துமுன்னே நில்லாட்டால்
அஸ்திரத்தால் வாந்து அம்மிதனில் வைத்தரைத்து
நெற்றிதனில் பொட்டிடுவேன் நிச்சயமென் பானரக்கன்
வானவர்க ளெல்லாம் மலரெடுத்து என்காலில்
தானமது பண்ணித் தாழ்ந்துநில்லா தேயிருந்தால்
விளக்கவுரை :