வணங்கி வரம்வேண்ட மனதிற் பிரியமுற்று
இணங்கியே ஈசர்பதம் இறைஞ்சிநின்றா னம்மானை
அப்போது ஈசர் அரக்கன்தனைப் பார்த்து
இப்போது நீயும் வாவெனவே தானழைத்து
நரகக்குழியை விட்டு நற்கயிலை வரும்வழியில்
கரங்குவித்து மேதை கண்ணரைக் குவித்திருந்தாள்
இச்சித்து இராவணனும் இவளைத் தொடருகையில்
அச்சமில்லா மேதை அரக்கனுக்கு சாபமிட்டாள்
என்தவசை அழித்து எனைத்தொடர்ந்த ஏதுவினால்
உன்ஆள்வதை படவே என்னை யெடுத்டதுப்போவாய்
என்றுசபித்து எரியதிலே தான்விழுந்தாள்
அன்றந்த அக்கினியும் அவள் தவசைப்பார்த்து
அக்கினிதேவி அவளை வளர்த்து வந்தாள்
வேதவதி
அக்கினிக்குள் மேதை அருந்தவசு பண்ணலுற்றாள்
அப்போது ராவணனும் ஆதிசிவனிடத்தில் வந்து
இப்போது எந்தனக்கு ஏற்றவரம் தாருமென்றான்
தவத்தருமை கண்டு தலைபத் தரக்கனுக்குச்
சிவத்தலைவ ரானோர் செப்புவா ரம்மானை
காதுரண்டு பத்து கண்ணிருப துள்ளோனே
ஏது வரம்வேணும் இப்போது சொல்லுமென்றார்
அப்போது ஈசுரரை அரக்க னவன்வணங்கி
இப்போது ஈசுரரே யான்கேட்கு மவ்வரங்கள்
தருவோ மெனவே தந்தி முகன்பேரில்
உருவா யெனக்கு உறுதிசெப்பு மென்றுரைத்தான்
அப்படியே ஈசர் ஆணையிட்டுத் தான்கொடுக்க
சொற்படிகேட் டேயரக்கன் சொல்லுவா னப்போது
மூன்றுலோ கத்திலுள்ள முனிவர்தே வாதிகளும்
வேண்டும்பல ஆயுதமும் விதம்விதமா யம்புகளும்
வீரியமாய் நானிருக்கும் விண்தோயுங் கோட்டைசுற்றிச்
சூரியனுஞ் சந்திரனும் சுற்றியது போய்விடவும்
விளக்கவுரை :